२०११ च्या भारतीय जनगणनेनुसार टेटवली गावात सुमारे ५०० ते ६०० कुटुंबे राहतात. एकूण लोकसंख्या अंदाजे २५०० ते ३००० च्या दरम्यान असून त्यामध्ये पुरुष व महिला संख्या जवळपास समसमान आहे. या गावात मुख्यतः आदिवासी (वारली, कातकरी) व काही प्रमाणात कुणबी समाजातील लोक राहतात.

येथील लोकांचा प्रमुख व्यवसाय शेती असून भात शेती ही मुख्य पिके घेतली जातात. आदिवासी समाजातील लोक शेतमजुरी, वीटभट्टी कामगार, तसेच बांधकाम क्षेत्रात मजुरी करतात. काही लोक कुक्कुटपालन, बकरीपालन आणि लहान स्वरूपातील व्यवसाय करून आपला उदरनिर्वाह करतात.

पावसाळ्यातील काळात येथे निसर्गसंपदा मोठ्या प्रमाणात आढळते. श्रावण महिन्यात, विशेषतः गणपती उत्सवाच्या सुमारास, जंगलात अळंबी (रानमशरूम) उगवतात. ढगांचा गडगडाट, विजांचा कडकडाट आणि सतत कोसळणारा पाऊस या नैसर्गिक वातावरणात अळंबी मोठ्या प्रमाणावर मिळते. ही भाजी अत्यंत चवदार व पौष्टिक असल्यामुळे स्थानिक बाजारात तिची चांगली मागणी असते.